Wezareta Berevaniya Tirkiyê ragihand di operasyona îro ku li Çiyayê Gare hatiye destpêkirin 2 leşkerên me hatine kuştin.
Artêşa Tirkiyê do serê sibê ragihandibû ku hêzên wan operasyoneke nû di nav axa Herêma Kurdistanê de û li Çiyayê Gare dest pê kirine. Artêşa Tirkiyê herwiha bi helîkopteran leşker li ser Çiyayê Gare danîne.
Wezareta Berevaniya Tirkiyê da xuyakirin, ku operasyon di saet 02.55ê 10ê Sibata 2021 de û bi navê Operasyona Pence Baz-2 hatiye destpêkirin û berdewam e.
Li gor daxuyaniya Wezareta Berevaniya Tirkiyê, operasyon li dijî pêgehên PKKê û ji bo “parastina ewlehiya sînor” û “ji holê rakirina metirsiya êrişên bo ser hêzên ewlehiyê” yên wî welatî hatiye destpêkirin.
Medyayên nêzîkî PKKê jî belav kirine, ku şerekî giran li Çiyayê Gare dest pê kiriye.