Krîzê ekonomî û şertê demserrî ver esmer xirtikî zî erey amê bazar û dezgeyan ser. Krîzê ekonomî ver xirtikî zî gorê serranê verênan hîna vay yenî rotene.
Krîzê ekonomî û şertê demserrî ver esmer xirtikî zî erey amey bazar û dezgeyan ser. Krîzê ekonomî ver xirtikî zî gorê serranê verênan hîna vay yenî rotene. Xirtikî, Mêrdîn, Riha û Amed de yenî ramitiş. Citkarî kîloyê xirtîkî bi 6 TL danî esnafan û esnafî zî bi 8 TL yan roşenî.
Alî Karahano 20 serrî ke xirtikan roşeno îzeh kerd ke, goreyê serranê verênan rotişê xirtikan nîme-nîme bîyo kêmî û wina va: “Şarê ma xirtikan zaf weno û xeylê nêweşîyan rê baş o. Dolme, cacik û tirşîya xirtikan yenî viraştene. La rotişê xirtikan sey serranê verênan nîyo û vaye vera şar nêherîneno. Emrê xirtikan tena 2 aşmî yo.”
Bazarvan Mehmet Halît Bîçerî dîyar kerd ke warê xirtikan Mêrdîn o û wina va: “Mêrdîn, Riha û Dîlokî de zî xirtikî yenî ramitene û yenî huşkkerdene. Amed de zî sole bi xirtikan yena rijnayene û dima ra yeno werdene. Krîzê ekonomî ver xirtî zî vay bîyî.”