Wextê nezaretî yê rojnamegeranê ke vizêr pê îşkenceyê polîsan ameyî destbendkerdene, ame dergkerdene.
Çarçewaya cipersayîşê Serdozgerîya Komere ya Anqara de vizêr 9 bajaran vera rojanmegeran operasyonê qirkerdişê sîyasîyî ame kerdene û 12 rojnamegerî pê îşkenceyî ameyî destbendkerdene.
Sereştişê keyeyan de Mudira Karanê Nuştuşî ya Ajansê Mezopotamya (MA) Dîrene Yurtveser û muxabîrê MA Deniz Nazlim, Selman Guzelyuz, Zemo Aggoz, Berêvane Altan, Hakan Yalçin, Emrullah Acar û Ceylan Şahinli û muxabîrê JinNewsî Habibe Eren û Oznure Deger,rojnameger Mehmet Gunhan pê îşkenceyê polîsan ameyî destbendkerdene.
Asayîşê Anqara da zanayene ke rojnamegerî rîyê xeberanê ke viraştî ra ameyî destbendkerdene. Derheqê dosya de qerarê nimitişî ame girewtene û 24 saet pêvînayîşê avûkatan ame qedexekerdene. Dozgerîye wextê nezaretî yê 11 rojnamegan yew roje kerd derg.
Hetê bînî ra ame musayene ke Dîrene Yurtsever Îstanbulî ra û Hakan Yalçin Wanî ra ameyî berdene Anqara.