Merkezê Xweberan- Vizîr Îstanbûl de merasîmê Xelatê Azadîya Fikrî yê serra 2019î estbî. Yewîya Weşangeranê Tirkîya xelata emserî da Weşanxaneyê Avesta.
Wayîrê Weşananê Avesta Abdullah Keskîn seba ke xelate bigîro merasim de bi. Abdullah Keskînî xelate destê Serekê Yewîya Weşangeranê Tirkîya Kenan Kocaturkî ra girewt.
Abdullah Keskînî merasim de qiseykeridşêk kerd û wina va: Mîyanê çend serranê peyênan de xeylê kitabe ma amê qedexekerdiş. La ma her daîm xebata xo domna, hem ziwanê xo rê hem zî edebîyatî rê xizmet kerd.
Abdullah Keskînî dewamê qiseykerdişê xo de îzeh kerd ke, na xelate dîyarîya Ekrem Yaşli (Çanakkale de seba ke Kurdkî qisey kerdbi rastê hêrişê nijadperestan amebi) û dîyarîya Şîrîn Tosun keno (bajarê Sakarya de seba ke Kurdî qisey kerbdi amebi qetlkerdiş) keno.
Weşanxaneyê Avesta serra 1995î de hetê Abdullah Keskînî ra Îstanbul de ameyo ronayîş. Weşanxaneyê Avesta heta nika seba Kurdan kurdan 700 heb kitabî çap kerdî.