Merkezê Xeberan - Gorê cigêrayîşê Weqfa Bertelsmannî, mîyanê 137 welatan de Tirkîy rêza 77ine de ca gêna û Tirkîya mîyanê welatanê demokratîk yê dinya ra ameya vetiş.
Weqfa Bertelsmannî ya Almanî (BTI), semedê serra 2020î, raporê welatê demokratîkî aşkere kerdî û gorê raporî hînî Tirkîya sey welatêko demokratîk nêna name kerdene.
Gorê cigêrayîşî Tirkîya seba caardişê otokrasîya bi eşkere heme qewet daya destê yew merdimî, parlamento felc bîyo, nesefê muxalefetî amo birnayîş, komele ameya dopêşkerdiş û dîktatorîyet zî bîya defakto.
No cigêrayîş mîyanê 2 serran de rayêk virazîyeno û warê demokrasîya mîyanê xo, teber û sazîyan de rewşa welatan ser o cigêrayîş beno.
Gorê na weqfe, serra 2010î Tirkîya rêza 54ine de bîya. Serra 2012î rêza 57ine û 2014î de 63ine, 2016î de 70ine, 2018î de rêza 73ine û serra 2020î de zî xeylî peyser şîya û rêza 77ine de ca girewta.