Gola Bêkodyan ku ji ava berfê pêk hatiye, bilindtirîn gol e li Iraq û Başûrê Kurdistanê û di navbera lûtkeya çiyayên Pirxêlnid û Qered li zincîre çiyayê Hesara Sekran e ku dikeve nav sînorê qezaya Çomanê.
Berziya wê gola ji ava berfê li ser asta rûyê derya 3150 metre ye û di naverasta meha Tîrmehê de jî berf her li wê deverê heye.
Rûberê gola Bêkodyan nêzikî 300 metre dûca ye û çavkaniyên wê yên avê, kanî û ava berfê ye ku dihele.
Rojane geştyar û çiyavan ji bo dîtina wê golê rêyeke dirêj dibirin û xwe digihînin wê deverê.
Grûpa Deng û Rengê Sirûşta Kurdistanê, geştek bo wê herêmê pêk anî û ew grûp behsa wê dike ku rêya çûna bo golê gelek zehmet e û beşek ji endamên grûpa wan nekarîne xwe bigihînîn wê bilindahiyê.
Herwiha grûp tekeziyê li ser wê dike ku divê zêdetir girîngî bi wê navçeyê bê dayîn û weke cihekî geştyarî yê cîhanî bê vekirin.
Wêne: Mehdî Ferec/RÛDAW