Cinîya Kurd Hanna Jaff welatê Meksîka de mîyanê Lîsteya 100 Cinîyanê En Tesîrinan de ca girewte.
Cinîya Kurd Hanna Jaff welatê Meksîka de mîyanê Lîsteya 100 Cinîyanê En Tesîrinan de ca girewte. Kovara Forbesî no hewte ca da 100 cinîyê ke welatê Meksîka de cuyenê û serkewte yê.
Cinîya Kurd Hanna Jaff lîsteya cinîyan de dora hîrêyine de ca girewt û eleqeya her kesî ant.Hanna Jaff hesabê xo yê twitterî ser o o keyfweşîya xo îfade kerd û va: Semedo ke ez cinîya en tesîrine ameya weçînayîş ez zaf keyfweş a. No welat de 132 milyon kesî estê û mi mîyanê 100 kesan de ca girewta.
Heto bîn ra Hana Caf serra 2013î de Meksîka de Fîstîvalê Kurdî organîze kerda û qasê 80 hezar kesî beşdarê nê festîvalî bîyê.
Babîyê Hanna Jaff Kurd, dadîya aye Meksîkayij a û Jaff bajarê Kalifornîya Sandîyago de ameya dinya. Hanna Jaff meksîka de wayîrê şîrketê Jaff Foundation a û karê perwerdeyî dir zî eleqadar a.