Wekîlê wezaretîya Pêşmergeyan yê hukmatê Herêma Kurdistanî aşkera kerd ke,  hêzêkê YPGyî Rojavayê Kurdistanî ra mîyanê erdê herêma Kurdistanî de Pêşmergeyanê Kurdistanî rê hêriş kerd.

Wekîlê wezaretîya Pêşmergeyan Serbest Lezgînî derheqê hêrişî de beyanatêk da çepemenî aşkera kerd ke, gama ke 8 çekdarê PKKyî waştê bi hawayêko bê qanûnî Rojavayê Kurdistanî ra vîyarê  herêma Kurdistanî hetê Pêşmergeyan ra ameyê vindarnayîş, 3 çekdarî agêrayê Rojava û qismêkê înan bi israr waştê vîyarê herêma Kurdistanî û Pêşmergeyî zî vernîya înan girewt.

Lezgînî da zanayîş ke dima ra koma ke tede 60 çekdarî estbî bi çekanê giranan hêrişê Pêşmergeyanê Sihêla kerd.

Wekîlê wezaretîya Pêşmergeyan cewab da fermandarê Hêzê Sûriya Demokrate (HSD) Mezlûm Ebdî ke twitter ser ra PDK bi hêrîşê ser PKK sûcdar kerd û va: ‘’Vatiş û îradeyê Mezlûm Ebdî azad nîyê û heme beyanatê ey bi fermanê Qendîlî  yene dayene.’’