Wekîla Afganîstanî ya verêne Mursele Nebîzade hêrişê çekdarî de ameye qetilkerdene.
Mursele Nebîzadeya (32) ke îqtîdarê Talîbanî ra ver wekîke bîye, Kabil de keyeyê xo de hêrişê çekdarî de ameye qetilkerdene. Hêriş de pawitoxê Nebîzade zî ame qetilkerdene û pawitoxo bîn zî birîndar bi.
Dima ke Talîbanî îdareyê Afganîstanî vistbi destî xeylêk sîyasetmedaran welat teriknabi la Nebîzade nêteriknabi. Sebebê hêrişî nêzanîyeno. Vervatoxê Mudirîya Asayîşê Kabilî Halid Zadranî derheqê serebûtî de cigêrayîşêk dabi destpêkerdene. Nebîzade 2018 de sey wekîle amebî weçînayene û heta Talîbanî serê erkê xo de bîye.
Wekîlanê verênan ra Mariame Solaimankhil derheqê Nebîzade de vat: ''A cinîyêka çêre bîye û aye seba çîyanê ke pê bawer bîye vengê xo berz kerdêne.'' Endama Parlamentoyê Ewropa Hannahe Neumann vat: ''Nebîzade mîyanê tarîtîye de ameye qetilkerdene la Talîbanî sîstemê cîyakerîya seksîste mîyanê roje de awan kerd.''