Merkezê Xeberan- Brîtanya de 300 hezar raydayoxê Kurdî estê û ewro saete 07.00 de karê raydayîşî dest pêkerd.
Namzetanê Kurdan ra Nedim Zehawi partîya Muhefezakare ra şino weçînayîş. Zehawi weçînayîşê 2010î de şibi parlamento.
Namzetanê Kurdan ra Îbrahim Doğuş zî Partîya Karkeran ra namzet o.
Îbrahîm Doguş hewa diyîne Partîya Karkeran ra beno namzet û weçînayîşê 2010î de nêeşkabi bêro weçînayîş.
Doguş nika Brîtanya de serekê beledîyeyêk o.
Namzeto bîn ê Kurdan Feryal Clark zî Partîya Karkeran ra, Kawey Behiştizade zî Partîya Lîberale ra namzet o.
Brîtanya de hûmara weçînayoxan 46 mîlyon a û 3 hezar û 322 namzetî estê.
650 herêmanê weçînayîşî de seba weçînayîşê qedemeyê binî yê parlamentoyî weçînayîş esto.
Nê weçînayîşî de 4 Kurdî zî namzetê parlemento yê.