Li gor DHAyê di 2.12. 2016ê de 40 rêxistinên sivil û demokratîk li ber Zanîngeha Eren a Bedlîsê civîyane û ji bo kesên ku li Helebê jîyana xwe ji dest dane daxuyanîyeka çapemenî belav kirine û reaksîyona xwe nîşan dane.
Li ser navê rêxistinan Serokê Konseya Xwendekaran Berk Yasîn Şefkatlîoglu gotîye; ”birayên wan yên li Heleba Sûrîyeyê li ber çavên dinyayê ev 6 sal in bi sîstematîk qetil dibin, ev dilê wan parçe parçe dike; hemû nexweşxaneyên bajêr hatine bombebarankirin û li nexweşxaneyan birîndarî ji mirinê xerabtir e; lê li hember van kiryaran NY, YE Û DYA bê deng in û sê maymûnan dilîzin. Lê gel vê rewşê bêdeng mayîn, bê axlaqî û bê ujdanî ye û divê ew dengê xwe bilind bikin.”
Helbet divê meriv li hember trajedîyan dengê xwe bilind bike, lê wexta di vî warî de dubendî û dubelmoralî hebe; ev bi xwe trajedî ye.
A ha bi vê nûçeyê dîyar dibe ku dewleta Tirk çi anîye serê miletê kurd; derdê wan ji wan daye bîrkirin û bi devê rêxistinên wan yên sivîl û demokratîk dixwaze çi peyamê bide raya giştî ya cîhanê. Bedlîsê divê neyên listîka dewleta Tirk.