Merkezê Xeberan - Wan de taxêk de tazîye ameybî ronayîş û kesê ke teber ra ameybî tazîye vîrusê Korona ardbî taxe. Naye ser a taxe hetê îdarekaran ra gêrîyabî binê karantînak.
Taxa Ortanca ya bajarê Wanî ke binê karantîna de bî û uca de kesêk vîrusa korona ra merd.
Hûmara kesê ke heta nika Wan de virusê Korona ra merdê bîy 10 û 478 kesî zî bi vîrusê Korona kewtê.
Gorê beyanatê îdarekaran taxa Ortanca de 128 kesî bi virusê Krona kewtê û kesêk zî merdo.
Heto bîn ra Taxa Emînpaşayî ya qezaya Edremîtî de zî tazîye ameybî ronayîş û 35 kesî bi korona kewtbî.
Wan de heta nika 478 kesî bi korona kewtê, 10 kesî merdê û 378 kesî zî baş bîyê.
Heto bîn ra Wan de 18 hezar kesî zî binê karantîna de yê.