Bajarê Wanî de weşanxaneyê Sîtavî bi 13 nuştoxanê xo Roja Îmza û Kitabanê Kurdkî organîze kerd.
Wendoxê kitabanê Kurdkî zî kitabê ke erînay nuştoxan rê day îmzakerdene.
Roja îmza de hem hûmara nuştoxan hem zî hûmara wendoxan zêde bîy.Îdarekerê Weşanxaneyê Sîtavî û nuştoxo Kurd Qahir Bateyî vano: Kitabê Kurdkî rastê eleqeyêka weşe yenê. Her çiqas zî kitabê Kurdkî zafê xo qedexeyê zî roje bir roje hûmara kitaban zêde bena û wendoxî zî roje bir roje zêde benê.
Qahir Bateyî wina dewam kerd: "Ziwanê Kurdkî ziwanêko bindest o, ziwano ke amo qedexekerdiş o. No ziwan bi serrano ke ameyo qedexekerdiş. La onca zî nuştoxê ma, kitabê ma û wendoxê ma estê. Her çî ra ver lazim o her Kurdêk pê ziwanê xo binuso, pê ziwanê xo edebiyatê xo biko û kitaban vejo "
Nuştox Îbrahîm Sûngûr zî wina vano “Rîyê qedexeyê dewlete, bê îmkanî û bêwayîrtî ra Kurdkî halêko weş de nîya”Programê îmzeyê nuştoxan çarçeweya pîrozbayîyanê 15'ê Gulane Roja Roşanê Ziwanê Kurdkî da de ame tertîpkerdiş.