Polîsan eşt keyeyanê muxabîranê buroyê Ajansê Mezopotamya yê Wanî ser ke nê muxabîran eşkera kerdbi ke Servet Turgut û Osman Şîban hetê leşkeran ra helîkopterî ra erzîyayê war. 4 muxabîrî ameyî destbendkerdene.
Polîsan serê sibayî eşt buroyê Ajansê Mezopotamya yê Wanî û keyeyanê muxabîranê Jinnews ser. Sereştişan de muxabîrê MA Adnan Bîlen û Cemîl Ugur, muxabîra Jinnews Şehrîbane Abî û rojnamegere Nazan Sala ameyî destbendkerdene. Polîsan keyeyî serûbin kerdî, dest rona kamera û hacetanê teknîkî ser.
Polîsî hema zî buro de yê. Nêno destûr dayene ke muxabîrî dekewê buro.
Cemîl Ugurî bi raporanê nêweşxane îsbat kerdbi ke Servet Turgut û Osman Çiban hetê leşkeran ra helîkopterî ra erzîyayî war û îşkence berdbi rojdemê rayaumûmîye.