Walîtîya Mûşî desturê panelê ‘’Wextanê zehmetinan de waştişê haştîye’’ yê Baroyê Mûşî û KESKî nêda.
Platformê Şûbeyanê Mûşî yê Konfederasyonê Sendîkayanê Kedkeran (KESK) û Baroyê Mûşî bi tewrbîyayîşî ronayaxonê Weqfê Haştîye yê Tirkîye waşt ke bajar de panelê ‘’Wextanê çetinan de waştişê haştîye’’ virazê la Walîtî destûr nêda ci.
KESK'î bi beyanatêk vera naye reaksîyon nişan da û vat: ‘’Panelo ke cayo qefilnaye de yeno kerdene qey destûr ci nêdîyeno? Ganî kesêk qiseykerdişê haştîye ra aciz nêbo. Ma semedê lazimîya haştîya cematkî waşt ke nê panelî virazê la walîtî muracatê ma red kerd. Ma timûtim bi qedexeyan rî bi rî yê. Walîyê Mûşî tîya caardişêko cîya bica ano. 1’ê Gulane de zî her ca de destûr estbi la tîya qedexe bi. Gere Walîtîya Mûşî muameleyê xo yê vera aktîvîteyanê demokratîkan bibedilno.’’