Fermandarê berê yê fermandariya hêzên Navendê yê Amerîkayê (CENTCOM) general Josepf Votel li ser halê Iraq û Sûriyê bo K24 ê ragihand ku Kurd û Pêşmerge nebûna hêzên koalîsyonê nikaribûn biser biketina. Fermandarê Amerîkayê yê CENTCOM ê Votel bo K24 ê weha got:
“Ji sala 2014 an û heya niha eger ne ji Kurdan û hêzên Pêşmerge bûya Amerîka û koalisyona navdewletî nikaribû biser biketa.
Wê Amerîka ji Iraqê venekişe û vekişandina weka sala 2011 an çênebe. Amerîka bo bedelên Kurdan yên li Herêma Kurdistanê û Rojavayê Kurdistanê daye, rêz digre. Amerîka bi berjewendiyên xwe yên li Iraqê ve girêdayiye û Iraq bo Amerîkayê gelek girînge.
Divê Amerîka hêza xwe ya dîplomasiyê li Iraqê zêde bike û bo parastina berjewendiyên xwe divê hêzên Amerîkayê li Iraqê bimîne. Pêvajoya diyaloga stratejîk ya navbera Amerîka û Iraqê zahf girînge û divê têkiliyên her dû aliyan xurt bin.
Amerîka dostê Pêşmergeye û Pêşmerge bo Amerîkayê û koalîsyopna navdewletî gelek girînge û eger desteka Pêşmerge û Kurdan nebûya, serkeftina îro nedibû. Pêşmerge û Kurd hevkarên me yên gelek başin û dê ev dewam bike.”