Merkezê Xeberan - Mîyanê 24 saetanê peyênan de sînorê Serdeştî yê Rojhilatê Kurdistanî 4 kolberê bînî raştê hêrişê pasdaranê Îranî ameyê û bi no qayde vizîr ra nat beno 8 kolberî ke raştê pasdaranê Îranî yenê.
Gorê malumatê Teşkîlatê Heqanê Merdiman yê Hengawî roja 07.06.2020î de çekdarê Îranî zozanê Kanî Dînaran yê Serdeştî eşt kerwanêka kolberan ser û en kêmî 4 kolberî birîndar bîyê.
Gorê beyanatê teşkîlatî kolbetan ra Erselan Ebdulayî, Osman Salihî, Hawbîr Îbrahîmî û Îbrahîm Resûlî birîndar bîyê.
Rojêk verî zî onca zozananê Serdeştî, kolber bi namê Omer Meslehetî ame kiştiş û 3 kolberê bînî birîndar bîyî.
Kolberan ra Umîd Koşyar û Rehman Şayqî zî birîndar bîyî.