Merkezê Xeberan - Virusê Korona pêroyê dinya de heta nika kewto ganê 8 mîlyon û 265 hezar tenan. Virusî ra heta nika 446 hezar tenî merdî.
Virusê Korona her hetê dinya de newe ra vila beno. Welatê Hîndîstanî de zî virus vera-vera vila beno û vizêr hukmatî merdişê 2 hezar kesan beyan kerd.
Îdarekerê hukmatê Hîndîstanî vanê, nê 2 hezar kesî rojêk de nêmerdê, mîyanê înan de kesê ke verê cû merdê la beyan nêbîyê zî estê.
Hîndistan de heta nika 345 hezar tenî nêweş kewtê û 11 hezar tenî tira merde.
Heto bîn ra rîyê janê Korona ra welatê Meksîka de rojêk de 730, Brezilya de 1282 merdimî merdî.
Rûsya de zî vizîr ra nata 7 hezar û 458 nêweşê Korona amê tespîtkerdiş û vizîr ra nata 194 tenî tira merdî.