Merkezê Xeberan - Gorê malumatê Unîversîteya Johns Hopkinsî, pêroyê dinya de 501,897 tenî vîrusê Korona ra merdê.
Vîrusê korona en zêde Amerîka de vila bîyo û tena Amerîka de bîyo sebebê merdişê 125,804 tenan.
Amerîka ra dima bi 57,000 merdeyan Brezîlya û bi 43,000 merdeyan Brîtanya yena.
No virus Kanûna 2019î de Şaristanê Çînî Wuhan de vejyabi orte û uca ra pêroyê dinya rê vila bibi.
Heto bîn ra gorê malûmatê Unîversîteya Johns Hopkinsî, no virus pêroyê dinya de kewto ganê 10,005,970 tenan.