Merkezê Xeberan- Paytextê Japonya Tokyo de keştîya bi nameyê Diamond Princess ya aîdê şîrketê Princess Cruises ê Amerîka ke 2 hezar û 666 rayvan û hezar û 45 murettebatî tede yî de vîrusê korona ame tespîtkerdene. Keştîya ke vîrusê korona tede ame tespîtkerdene girîya binê karantîna.
Goreyê xeberanê medyaya Japonya, 25ê çeleyî de Hong Kong de rayvanêko 80 serre de vîrusê korona ameyo tespîtkerdene û dima ra qerarê tedbîrgirewtişî ameyo girewtene. Roja yewşeme Verfekê hukmatî Yoşihide Sugayî eşkerayîyêke dabî û dîyar kerdbî ke keştîye rojêk rewe ameya lîmanê Yokohama û do bigirîya binê karantînaye.
Keştî roja şeme girîya binê karantîna. Cigêrayîşanê ewilî de keso ke qala ci yeno kerdene ke vîrus ame tespîtkerdene û dima ra keştî girîya binê karantîna.
Japoya de heta nika 20 kesan de vîrus tespitkerdene.