Merkezê Xeberan- Goreyê xeberanê ke artêşa Iraqî ra ameyî girewtene bi fuzeyanê Katyuşa vera Herêma Keske ya Biasayîşê Berzî ya ke Sersefîrîya Amerîka zî tede ya hêriş ame kerdene. Ame îzeh kerdene ke hêriş de zerarêk neresayo kesêk.
Perey şewe Îran bi fuzeyan hêrişê baregehanê Amerîka yê Iraqî kerd û naye ra alozîyêka pîle amey meydan. Hêriş seba heyfê kiştişê Qasim Silêmanîyî amebi kerdene. Goreyê Serekê DYA Donald Tumpî hêriş de çîyêk nêbîyo eskeranê Amerîka.
Sersefîrîya DYA û Brîtanya zî tede zaf wezaretxane û Parlamentoyê Iraqî zî Herêma Keske de yê. Roja yewşemeyî zî vera Herêma Keske bi roketan hêriş amebi kerdene.