Mereş de bi girdîya 7, 4 û Dîlok de bi girdîya 6,5 û 6, 4î têdima erdlerz qewqimîya. Xeylêk merde û bîrndarî est ê. Bi hezaran kesî binê rijnayîşî de mendî.
Merkezê ci Pazarcixê Mereşî de bi girdîya 7, 4 û merkezê ci Nurdagê Dîlokî de bi girdîya 6,5 û 6, 4î têdima erdlerz qewimîya. Xeylêk bînayî rijîyayî û bi desan merde û bîrndarî est ê. Bi hezaran kesî binê rijnayîşî de mendî.
Erdlezê Mereş û Dîlokî Amed, Semsûr, Meletî, Riha, Êlih, Çewlig, Elezîz, Kilis, Mêrdîn, Sêrt, Şirnex, Wan, Mûş, Bedlîs, Colemêrg, Edene, Osmaniye û xeylêk bajaranê bînan de zî ame hîskerdene.
Serekîya Îdareyê Rewşa Lezabeze û Afetî (AFAD) da zanayene ke goreyê xeberanê ke heta saete 06.30 kewtê destê înan 7 bajaran de 248 kesan dinyaya xo bedilnaye û 440 kesî birîndar bîyî.
Amed de enkazê bînayan de xebete gêrayîş xelisnayîşî dewam kena. Peyas û Rezan de enkazanê çar bînayanê ke rijîyayî ra xelêk kesî ameyî xelisnayene. Amed de masaya krîzî ameye ronayene. Reyna bajaranê bînan de zî xebatê cigêrayîşî dewam kenê.