Bajarê Rojhilatê Kurdistanî Ûrmiye de mabênê hêzêkê Kurdistanî û Pasdaranê Îranî de pêrpodayîş vejîya. Pêrodayîş de 3 Pasdarê Îranî amê kiştiş.
Gorê beyanatê Teşkîlatê Heqanê Merdiman yê Hengawî, vizêr şan 02.07. 2019 dormeleyê qezaya Çaldiranî de mabênê hêzêkê Kurdistanî û Pasdaranê Îranî de pêrodayîş vejîyayo û pêrodayîş de 3 pasdarê Îranî amê kiştiş. Namê pasdaran Tewhîd Musteşarî, Elî Esxer Heyderzade û Husên Dergahî yê.
Spayê Pasdaran zî derheqê pêrodayîşî de beyanatêk da û kişyayîşê hîrê pasdaran rast kerd.
Goro ke Teşkîlatê Hengawî vato, pêrodayîş mabênê mîlîtananê PKK û pasdaran de vejîyayo. Heto bîn ra heta nika medyaya PKK de derheqê pêrodayîşî de beyanatêk nêame dayîş.