Konsolosê Çînî yê Herêma Kurdistanî Nî Rûchî aşkera kerd ke, hazirî kenî ke unîversîteyêka pîle ya Çînî de ‘Beşê Ziwanê Kurdkî’ abikerî.
Komarê Şarî ya Çînî serranê peyênan de têkilîya xo yê kurdan reyde aver berda û Herêma Kurdistanî konsolosxane akerda. Çîn na reye gamêka muhîe erzena.
Unîversîteyêka pîle ya Komarê Şarî ya Çînî ‘Beşê Ziwanê Kurdî’ akena. Konsolosê Çînî yê Herêma Kurdistanî Nî Rûchî ke 1 serre û nêmeyo ke Hewlêr de kar keno û karê fermî yê Komarê Şarî yê Çînî rayîr beno, derheqê babete de aşkera kerd ke, ê hadreyî kenî ke unîversîteyêka girde yê Çînî de ‘Beşê Ziwanê Kurdî’ abikerî û va: “Ma do aşma vernîya ma de Unîversîteya Salahaddînî de ‘Beşê Ziwanê Kurdî’ abikerî. Ma do na game ra dima unversîteyêka girde ya Çînî de zî ‘Beşê Ziwanê Kurdî’ abikerî.”