Enstîtuya Ziwananê Ganeyan a Unîversîteya Mêrdînî de bi ziwanê Kurdkî, Suryankî û Erebkî master yeno dayîş. Enstîtu emser semedê doktora û mastera Kurdkî 128 wendekaran gêna.
Îdarekarê Enstîtuya Ziwananê Ganeyan yê Unîversîteya Mêrdînî Ahmet Kirkanî derheqê prosesi de va: “Ma do semedê Kurdkî bêtez 90 kes, bitez 30 kes û doktora zî 20 kesan bigîrê.
Semedê mastera Kurdkî muracatî do roja dişemeyî dest pêbikerê
Ame zanayîş ke semedê mestera bitez 30 kesî do bêrê girewtiş, 15ê nînan semedê lehçeya Kurmanckî, 5 kesî zî semedê Kirmanckî (Zazakî) do bêrê girewtiş.
Enstîtu semedê doktoraya Kurdkî zî 18 wendekaran gêna. 10ê nînan semedê Kurmanckî, 3ê nînan semedê Zazakî û 5 kontenjanê doktora zî semedê wendekaranê xerîban.
Unîversîteya Mêrdînî 80 wendekaran zî semedê mastera bêtez a Kurdkî gêna û 60ê nînan do semedê Kurmanckî û 20ê nînan zî do semedê Zazakî (Kirmanckî) bê.