Merkezê Xeberan- UNICEFî bi beyanatêko nuştekî pare kerd ke Til Rifat de 8 domanî ameê kiştene û vat gere hêrişkerê ke kiştişê domanan ra mesul ê bêrê cakediş.
Fonê Hetkarî yê Domanan ê Neteweyanê Yewbîyayeyan (UNÎCEF) bi beyanatêkî eleqe ant domananê ke hêrişê Tel Rifatî de şehîd bîyî ser.
Beyanat de ame vatene ke bombardûmanê 2ê kanûne de 8 domanê ke serrê înan 15î ra qijêr ê amey kiştene û 8 domanî zî birîndar bîyî.
Bayanetê UNICEFî de wina ame vatene: "Na menga peyêne de hêrişê vera Vakurê Sûrîye de 34 domanî ameyî kiştene.'' Hêriş de 8ê înan domanî 10 kesî şehîd bîyî û 10î ra zêdêr kesî zî birîndar bîyî.
Beyanat de vajîya ke, zaf merkezanê Sûrîye de çiqas şino şer beno giran û hîna zêde domanî mirenê û hetê prensîpî ra ganî domanî bêrê pawitene la şerê 9 serre yê Sûrîye de her tim domanî ameyî kiştene.
UNICEFî venga terefanê şerî yê Sûrîye da ke mîyanê her şert û mercî de domanî bipawê û vat: "Êyê ke hêriş kerd seba ke bi zanayîşî domanî kiştî ganî sey berpirsan bêrê dîyene."