Fonê Domanan ê Neteweyanê Yewbîyayeyan (UNICEF) pare kerd ke faktoranê Korona ra beno ke 10 mîlyon domanî bidîyê zewjinayene.
Fonê Domanan ê Neteweyanê Yewbîyayeyan (UNICEF) 8ê Adare de da zanayene ke faktoranê Korona ra beno ke heta serra 2030î 10 mîlyon domanî bidîyê zewjinayene û 100 mîlyon domananê kênayan ser o zî rîskê zewijnayîşî esto.
UNICEFî eşkera kerd ke semedo ke dibistanî girewte yê, şertê ekonomîkî xera bîyî û mergê dadî û babîyan zêdîyayî domanê 18 serre ra qijêrî dîyenê zewijnayene.
Dîrektora Caardişî ya UNICEFî Henrietta Fore vat: ''Vera nê îxtîmalî ganî ma tedbîran bigêrê.''
Goreyê UNICEFî dinya de 650 mîlyon domanê kênayî verî ke bibê 18 serre dîyayî zewijnayene û nê zewajî zêdêr Bangladeş, Brezîlya, Etîyopya, Hindistan û Nîjerya de qewimîyayî.