UNICEFî dîyar kerd ke derûdorê 8 milyon tutî vêşanî bi tehlukeyê mergî dir rî bi rî yê.
Fonê Tutan ê Neteweyê Yewbîyaye (UNICEF) neql kerd ke derûdorê 8 milyon tutî 5 serrî û ci ra qijêr, beno ke vêşanî ra bimirê. Sewbîna ame dîyar kerdiş ke tutê ke tehlukeyê giran serê înan de esto zî 15 welatanê ke xida ci de kêm o, yê sey Afganistan, Etiyopya, Haîtî û Yemenî yê.
UNICEFî neql kerd ke seba nê welatan lazimî bi hetkarîya xidayî yê lezgîn û hetkarîya tibî esta û her wext beno zêde. Sey yew problemê sebebê na rewşe zî zêdebîyayîşê vayîya xidayî yê seba şerê Ûkraynayî nîşan da. Sewbîna germbîyayîşê global, ziwatî û tesîrê şubeyê Covîd-19 zî sey çend nê sebeban ameyî dîyarkerdiş.
Eşkerayîya UNICEFî de welatê G7 hetkarîya bi 1.2 mîlyar dolarî ame waştiş ke nê welatan de bêro kerdiş.