Federasyonê Multecîyan ê Kurdistan-Iraqî, dîyar kerd ke seba xirabîyayîşê kelekê Deryayê Egeyî tuta 4 serrî ya multecîya Sûrîyeyîje vêşanî û têşanî ra dinyaya xo bedelnaye.
Goreyê xeberan, eşkerayîya ke hetê Federasyonê Multecîyan ê Kurdistan -Iraqî ra ameya dayîş, ame dîyarkerdiş ke keleke koma multecîyan Wargehê Mehmîre Ekariye yê Lubnanî kewta rayîr Deryayê Egeyî de xira bîya.
Seba keleke xira bîya, koma multecîyan 4 rojan derya de menda, seba ke werd û şimitişê înan zî çinbi, tuta 4 serrî a bi nameyê Lîcîn Ahmed Nasîfe vêşanî û teşanî ra dinyaya xo bedelnaye.
Sewbîna eşkerayî de ame dîyarkerdiş ke seba reaksîyonê ameyê kerdiş Hêzê Deryayî yê Yunanî seba ke multecîyê ke mendê xilas bikerê şîyê cayê serebûtî.