Îdîa bibî ke Serekwezîro verên Ahmet Davutoglu do partîya xo ya newî Dîyarbekir de aşkera bikero.
Naye ser Sereka Weqfê Tahîr Elçî û cinîya Tahîr Elçî Turkan Elçî derheqê îdîaya Ahmet Davutogluyî de beyanatêk da.
Turkan Elçî hesabê xo yê Twitterî ser o cewab da Ahmet Davutoglu û wina va: Ti eşkenê bêrê binê Minareya Çarlinge û vajî ‘Eyy Toledoyijî ma do edelet bîyare şima rê. Xora cayêko sey Sûrî çin o Dîyarbekir de’
Sek zanîyeno wextanêk qezaya Dîyarbekirî Sûr de her roj bombarduman estbi û Sûr game bi game ame rijnayene.
O wexto Ahmet Davutoglu Serekwezîrê Trkîya bi û amebi Dîyarbekir. Ahmet Davutogluyî qisêkerdişê xo de vatbi ‘Ma do Sûr bike sey cenet. Ez zî mîyanê Sûrî de xo rê banêk erînena. Sûr do bibo sey Toledo’
Turkan Elçî Mînareya Çarlinga ke Tahîr Elçî binê aye de amebi qetlkerdiş û vateyê Ahmet Davutogluyî “Sûr do bibo sey Toledo” vist vîr û va : Ti eşkenê bêrê binê Minareya Çarlinge û vajî ‘Eyy Toledoyijî ma do edele bîyare şima. Xora cayêko sey Sûrî çin o Dîyarbekir de’