Goreyê daneyanê TUÎK’î menga Nîsane de nisbetê betalîye bî se ra 13 û hûmara betalan zî bîy 4,2 mîlyon kesî.
Sazîya Îstatîstîkan a Tirkîya (TUÎK) daneyê bêkarîye yê menga Adare, Nîsane û Gulane eşkera kerdî. Goreyê daneyan nisbetê bêkarîye goreyê parî se ra 9,6 ra resayo se ra 13.
Hûmara bêkaran zî goreyê parî mîlyonêk û 116 hezar kesî bîye vêşî. Goreyê daneyan 4 mîlyon û 202 hezar kesî bêkar ê. Hûmara kesanê ke ameyê îstîhdamkerdene zî goreyê serra ravêrtî 810 hezarî kemî bîya. Sektorê zîretî de 329 hezar kesî û sektoranê teberê zîretî de zî 481 hezar kesî kemî bîyê. Yê ke bê asayîşê cimatkîyî xebetênê zî nisbetê înan resayo se ra 34,2.