Serokê Amerîkayê Donald Trump di serdana xwe ya Iraqê nişkave pêkanî de, ragihand ku Serokomarê Tirkiyê Recep Tayyip Erdogan soza paqijkirina bermamiyên DAIŞê û Erebistana Siûdî jî soza dabînkirina budçeyê bo avadankirina Sûriyê dane.
Trump li Iraqê dema serdana leşkerên baregeha Hewayî ya El Esad a Rojavayê Bexdayê da zanîn ku ew ji Iraqê venakişin, lê ew dê ji wir çavderiya Sûriyê jî bikin.
Trump got ku ji bo avakirina Sûriyê pêşî çareseriya siyasî divê û pêwîste welatên cîranên Sûriyê yên dewlemend barê avadankirinê hilgirin ser xwe ku Erebistana Siûdî ji bo dabînkirina pere soz daye.
Trump herwiha ji bo paqijkirina DAIŞê jî bibîr xist ku Erdogan qebûl kiriye ku bermayiyên DAIŞê paqij bike û dê ew jî ligel wan kar bikin.