Dewleta Amerîka hetê ekonomî ra derbêka girane da Tirkîya ro. Serekê Amerîka Donald Trumpî, mîyanê lîsteya dewletê ke Amerîka dir tîcaret kenê û vêrgî ra muaf ê ra welatê Tirkîya vet.
Dewleta Amerîka hetê ekonomî ra derbêka girane da Tirkîya ro. Serekê Amerîka Donald Trumpî, mîyanê lîsteya dewletê ke Amerîka dir tîcaret kenê û vêrgî ra muaf ê ra welatê Tirkîya vet.
Dewletê ke mîyanê sîstemê vergî (GTS) yê Amerîka de ca gênê, wexto ke Amerîka dir tîcaret kenê hetê vêrgî ra avantajê înan esto.Tirkîya zî mîyanê nê dewletanê avantajinan de bîy la Serekê Amerîka Donald Trump Tirkîya mîyanê lîste ra vete.
Serekê Amerîka Donald Trumpî aşkera kerd ke Tirkîya hînî mîyanê dewletanê avantajinan de ca nêgêna û ticaretê mabênê Amerîka û Tirkîya de gere Tirkîya heqê xo tem bido. Serekê Amerîka Donald Trumpî 4ê Adare de Kongre rê yew mektub erşawitbi û vatbi “Ez qayîla Tirkîya mîyanê sîstemê kesê ke vergî ra muaf ê ra vejî. Çimkî Tirkîya hetê ekonomî ra welatêko averşîyaye nîya.”
Tirkîya serra 1975î ra nat mîyanê programê GTS de ca gêna û 4 hezar tewir malê Tirkîya bê gumruk bazarê Amerîka ca gênê. Bi no qayde karê Tirkîya bi zor û Tirkîya hetê ekonomî ra Amerîka ra debêka girane werde.