Merkezê Xeberan - Serekê Amerîka Donald Trumpî Serekê Teşkîlatê Weşîya Dinya (WHO) Tedros Adhanom Ghebreyesus rê mektubêko bi çar rîpel erşawit.
Donald Trumpî mektubê xo de da zanayîş ke, eke WHO mîyanê 30 rojan de ‘’vurnayîşanê muhîman’’ nêko ê do seba teşkîlatî ardimanê xo bibirnê û endamtîya WHOyî ra vejîyê.
Trumpî îzah kerd ke, WHO binê tesîrê Çînî de mendo û dezgeyêko xoser nîyo.
Trumpî îdia kerd ke Serekê Çînî Xi Jinping seba ke WHO vera vîrusê korona pêroyê dinya de rewşa OHALî îlan nêkero teda kerdo, WHO verê cu vateyê Çînî kerdo la dima ra metodê xo bedilnayo.