Merkezê Xeberan - Serekê Amerîka vano, tedbîrê vîrusa korona ver însanî mîyanê terse de ye û no mergî ra bêter o.
Serekê Amerîka Donald Trump Qesira Sipî ra veng da eyaletanê Amerîka û waşt wa tedbîranê Korona sist bikê.
Trumpî veng da walîyê eyaletan ke wa tedbîran sist bikê û ekonomî aver berê û va: Eke walî îbadetxaneyan anêkerê ma do înan wezîfe ra bigîrê.
Hetkarê ey Mike Pence zî pesnê tedbîranê Amerîka yê vîrusê korona da.
Penceyî vist vîr ke roja Dişeme 500 kesî Korona ra merdî û no zî aşma Adare ra nata hûmara en kêmî ya.
Gorê malumatê Unîversîteya Johns Hopkinsî, Amerîka de qasê 1,700,000 kesî bi vîrusê korona kewtê û 98,787 kesî zî nê virusî ra merdê.