Serekê DYA Donald Trump şi mîyanê sînorê Koreya Vakurî û Kîm Jong-Unî dir pêvînayîş kerd. Trumpî da zanayîş ke Koreya Vakurî dir muzakereyî do newe ra dest pêbikerê.
Serekê DYA Donald Trump, herêma bêçekan a ke mabênê di Koreyan de ameya awankerdiş ra bi peyatî şi Koreya Vakurî bi.
Hewa yewina ke Serekê Amerîka şi mîyanê erdê Koreya Vakurî. Her di lîderan wextêko derg destê yewbînî girewt û fotografî antî. Lîderê Koreya Vakurî hetê bîn ê sînorî ra silam da Serekkomarê Koreya Başûrî Moonî.
Trumpî va, “Seba dinya rojêka pil a. Na yena a manaya ke ma wazenê vîyarteyê nêxêyrî biqedênê û ameyoxo newe awan bike.”
Trumpî lîderê Koreya Vakurî dawetê Qesra Sipîye kerd. Kîm Jon-Unî zî îzeh kerd ke, ê wazenê seba ameyoxê neweyî Trumpî dir bixebitîyê. Trumpî çapemenî rê qisey kerd û îzeh kerd ke, derheqê programê nukleerî de mîyanê di yan zî hîrê hewteyan de muzakereyî mabênê her di welatan de do dest pêbikerê.