Serekê Amerîka Donald Trumpî îzah kerd ke xeberê ke derheqê sîyasetê Amerîka yê Îranî de vejîyenê zafê xo zûr ê û sîyasetê Amerîka vera Îranî de perçe nîyo.
Medyaya Amerîka îdîa kena ke, îdarekerê Washingtonî seba polîtîkaya ke dewleta Îranî ser o bena de pê nêkenê. Trump vano “Mîyanê ma de fikrê cîya-cîyayî estê la ez do qerarê peyênî bidî. Ma goş nonê heme hetan û vengan ser. Ez hêvî kena ke dewleta Îranî do wextêko kilm de ma ra dîyalog biwazo’’
Gorê medyaya Amerîka, Şêwirmendê Asayîşî ya Neteweyî John Bolton û endamê bînî ê hukmatî meseleya Îranî de mîyanê xo de pê nêkenê. Goro ke vajîyeno nê kesê ke mîyanê hukmatê Trumpî de ca gênê wazenê wa Trump semedê Îranî qerarê şerrî bido.
Heto bîn ra dewleta Îranî xo seba ke Amerîka de şer biko hadre keno.Wezîrê Pawitişî yê Îranî Emîr Xatemî vano “Seba ke ma Amerîka dir ceng bike ma xo hazir kenê. Amerîka do tehmê vindîkerdişî bigîro” Emîr Xatemî îzah kerd ke seba ke Amerîka Îraq û Sûrîye de vindî kerda nika semedê ekonomî verê xo daya Îran. Emîr Xatemî îdîa keno ke Amerîka û sîyonîstî dê reyna vindî bikê