Merkezê Xeberan - Amerîka de rojêk de 1200 kesan ra zêde kesî bi vîrusê Korona ra merdî. Serekê Amerîka Trump vano: “No hewte do xidar bo û do xeylî kesî bimirê”.
Gorê beyanatê Unîversîteya Johns Hopkinsî, Amerîka de virusê Korona ra hûmara merdeyan resaya 9 hezar û 132.
Amerîka de merkezê virusî şaristanê New Yorkî yo. New Yorkî de hetanî nika 4 hezar û 159 kesî virusê Korona ra merdî. 2 rojî verê cû tena New Yorkî de 630 tenî merdbî.
Serekê Amerîka Donald Trumpî va ke, welatê ey vîyareno “qonaxêko bi tehlûke” û hûmara qurbaniyan zêde ya û no hewte sey “Hewteyo en xidar” name kerd û va: “Do zaf tenî bimirê”.