Merkezê Xeberan - Serekê welatê Amerîka Donald Trump vano, eke Îran biwazo ma eşkenê semedê vindarnayîşê virusê Korona (Covid-19) ci rê ardim bike.
Donald Trumpî Koşk Sipî de qisey kerd û ey rê ame perskerdiş ke, Amerîka qayîla welatê ke binê tesîrê virusê Korona de yê, înan rê ardim biko û welatê Îranî zî tede yo.
Trumpî cewabêko wina da:
“Eke Îran biwazo ma eşkenê semedê vindarnayîşê virusê Korona (Covid-19) ci rê ardim bike. Îran zî virusî ra zaf zerar dî la reqamê merdeyanê ke amê aşkerekerdiş raşt nîyê. Eke Îran ma rê malzemeyo tibbî biwazo ma eşkenê ci rê zî ardim bike.”