Merkezê Xeberan - Serekê Amerîka Donald Trumpî baxçeyê Qesira Sipîye de kombîyayîşê çapemenî viraşt û derheqê virusê Korona de zanayîş da.
Trump vano ke "Ez Çîn ra razî nîya, Gere Çîn cayo ke tede virus vejîya de vilabîyayîşê ey bivindarnêne"
Trumpî dewamê qiseykerdişê xo de îzah kerd ke, Çîn bi serran Amerîka ra îstîfade kerdo û va: Êyê ke ma ra ver Qesira Sipîye de niştêne ro destur dabî înan la ez destur nêdana ci.
Trûm îdîa keno ke, Virusê Korona labaratuaranê Çînî ra vejyayo û uca ra vila bîyo pêro dinya rê.
Virusê Korona Eyaletê Hubei yê Çînî ra, Şaristanê Wuhanî ra vejyabi werte û uca ra pêroyê dinya rê vila bibi.
Gorê malumatê Unîversîteya Johns Hopkinsî pêroyê dinya de 282,104 kesî rîyê virusê Korona ra merdî.
Vîrusê korona en zêde Amerîka de vila bîyo û tena Amerîka de 80,000 kesî nê virusî ra merdê.
Amerîka ra dima, bi 31,930 merdeyan Brîtanya, bi 30,560 merdeyan Îtalya yena.