Wesayîto ke koçberî kiriştêne Ewropa qezaya Merîçî ya Edîrne de qeza kerd. Netîceya qeza de 20 kesan cuya xo vînî kerde û bi desan kesî zî birîndar bîyî.
Ame zanayene ke wesayîtê ke koçberî kiriştêne qezaya Merîçî ya Edîrne de qeza kerd. Netîceya qezayî de 20 kesan cuya xo vînî kerde û bi desan kesî zî birîndar bîyî.
Merîço ke mabênê Tirkîya û Yûnanîstanî de sinor o bi serran o koçberî mergî gênê çim û royî ra ravêrenê Ewropa. Serra 2018î de en kêm 11 hezar koçberî Tirkîya ra ravêrtê Yûnanîstan.
Tirkîya û Yewîya Ewropa serra 2016’î de semedê vernîgirewtişê koçberan pêkerdişêk kerd. Nê pêkerdişî ra dima hûmara koçberan ê ke vejîyayê Ewropa serra 2015’î de 875 hezar bîy, serranê mabênê 2017 û 2018î heta 40 hezarî kêmî bîy.
17’ê Hezîrane de Bodrûm de kurna ke koçberî kitiştêne qelibya, 12 kesan cuya xo vînî kerde. Goreyê Rêxistina Koçberî ya Mîyannetewî sereyê serre ra nat 555 koçberî Deryayê Sipî de cuya xo vînî kerde.