Tornê Seyîd Rizayî Rustem Polato ke Almanya de dinyaya xo bedilnaye cenazaya ci dewa Pixamî ya Xozatê Dêrsimî de ameye definkerdene.
Tornê Seyîd Rizayî Rustem Polato 70 serre şaristanê Mainzî yê Almanya de 8ê çeleyî de netîceya krîzê qeylî bî şi heqîya xo.
Wesîyetê Polatî ser o cenazaya ci ameye berdene dewa Pîxamî ya Xozatê Dêrsimî. Nuqtaya kontrolî ya dekewtişê dewe de leşkera jan sey bahene ramojna û destûr nêda bê şarê keyeyê Polatî çew/e tewrê merasîmê cenaza bibo. Cenaza goristanê dewe de hetê keyeyê Polatî ra ameye definkerdene.