Qaymeqamîya Tûxî kayê tîyatroyî yê ''Hay Lo Dîsa Tevlîhev Bû'' yo ke 31ê gulane de do hetê Tîyatroyê Mencelî ra biameyêne kaykerdene, betal kerd.
Qezaya Tûxî ya Bedlîsî de ameyêne pawitene ke 31ê gulane de hetê Tîyatroyê Mencelî ra kayê tîyatroyî yê ''Hay Lo Dîsa Tevlîhev Bû'' bêro kaykerdene la kay hetê qaymeqamîya Tûxî ra ame betalkerdene.
Goreyê zanayîşanê ke ameyî girewtene qaymeqamîye verî vato ''merkezê kulturî de problemo teknîkî est o''. Bado ke ekîbê teknîkî şîyî problemî persayî, merkezî vato problem çîn o, bêrê kay bikerê. Naye ser o vejîya werte ke qaymeqamîye cara bîlasebeb destûrê kayî nêdayo.