Kayê nuştoxê kayan Sławomir Mrożekî yo bi nameyê Strip-Tease ziwanê ma de do bêro kaykerdiş.
Tîyatroyê Bajarî yê Amedî do kayê nuştoxê Polonyayî Sławomir Mrożekî Amed de bi zazakî pêşkêş bikero.
Kayê tîyatroyî do mabênê rojanê 3-4-10 û 11ê Teşrîna Peyêne bêro ramojnayîş.
Kayê bi nameyê Strip-Tease hetê nuştoxanê Zazakî Newsî ra Mehmed Olmezî ra açarîyaya bi ziwanê ma. Kaykerdoxê kayî zî Lokman Baran, Elvan Koçer û Sena Ozbey ê.
Mehmed Olmezî Zazakî Newsî rê wîna behsê kayê Strip-Tease keno
Kayê Strip-Tease ser o;
Kayê Strip-Tease de ma vînenê ke karekterê ma kewtê halêkê ecêbî û bîyê sey yewbînan û tesîrê tehda(destî) de manenê ke wazenê xo tira bixelisnê.
No hewldayîşê karekteran ê xelisayîşê tehdayî, mojneno ma rê ke roja ma ya ewroyêne de zî şar vera sîstemî de hewl dano ke xo tehda ra bixelisno la se bikero zî nêeşkeno xo biresno encam.
No kay rey-rey ma dano huyayîş û ge-ge beno sebep ke ma bifikirîyê.
Şima eşkenê nê lînkî ser ser ra bilêtanê xo bierînê.
Zazakî News