Vervatoxê Erdoganî vano ke, înan soz nêdayo Amerîka ke êdî Rojavayê Kurdistanî operasyonê eskerî nêkerê!
Vervatoxê serekkomarê Tirkîya Îbrahîm Kalinî aşkere kerd ke, mabênê Tirkiya Rûsya û Amerîka de pêameyîş esto, heqê Tirkîya esto ke vera hêrîşêkê terorîstî pawitişê xo biko.
Kalinî va: “Heqê Tirkîya esto ke semedê pawitişê xo operasyonan biko, eke karmendê ma û hêzê ma erdê Sûriye de rastê hêrişan bêrê, ma do operasyonanê eskerîyan bikerê. Beno ke ma Sûrîye de hêzanê xo zede bike û operasyonanê neweyan bike
Kalinî beyan kerd ke, înan soz nêdayo Amerîka James Jeffrey ke Sûrîye de operasyonanê eskerî nêkerê.
Roja 2ê Êlûle de James Jeffreyî Rojavayê Kurdistanî ziyaret kerdbi û partîyanê sîyasî û HSDyî de kombîyayîş kerdbi. Rojnameyê “Şerq El Ewset” çapa Londonî de xebera xo de ca dabî avtişanê hemsereka PYDyî Sema Begdaş, gorê xebera rojnameyî Sema Begdaş vata, James Jeffreyî garantî dayo ke kurdên Sûrîyedo raştê hêrişanê Tirkîya nêrê.