Tirkiyê li ser sînorê Rojavayê Kurdistanê deriyekî nû yê sînor vekir. Wezîra Bazirganî ya Tirkiyê Ruhsar Pekcan daxuyand ku ew deriyê bi navê Deriyê Sînor ê Çiqlê Zeytûnê li bajarê Hatay ê Tirkiyê piştî 8ê Mijdarê vebûye û dest bi kar kiriye.
Ruhsar Pekcan got, “Deriyê Gumrik ê Çiqlê Zeytûnê yê li ser sînorê Efrînê piştî 8ê Mijdara 2018a dest bi kar kiriye.”
Wezîra Bazirganî ya Tirkiyê herwiha bal kişand ser ku di çarçoveya zêdekirina bihayê kelûpelan a bi awayekî neheq de jî, ku bilindbûna nirxê dolaran bo vê yekê hincet tê nîşandan, 81 hezar 666 berhem tên kontrolkirin û got, “Bo 612 kompanyayên ku hatiye tespîtkirin bi awayekî neheq nirxê kelûpelan zêde dikin, cezaya pereyan hatiye dayîn û hawirdekirina 14 milyon berhemên ne guncaw hatine qedexekirin.”