Rêveberê Nahiyeya Sîdekan Îhsan Çelebî ragihand ku firokeyên şer ên Tirkiyê îro gundê Xelîfan, Sîran, Şekan û Çiyayê Dêlê saet 09.00ê bombebaran kirin. Bi gotina Îhsan Çelebî bombebaranê derdora 45 xulekan berdewam kir.
Îhsan Çelebî da zanîn ku di encama bomberanê de ti ziyanên canî û madî çênebûne.
Çelebî herwiha diyar kir ku gerîlayên PKKê îro Sêşemê (14.11.2018) derdora saet 08.30ê baregeheke leşkerî ya leşkerên Tirkiyê li wê herêmê kirine armanca xwe û bombebarana artêşa Tirkiyê piştî vê êrişa gerîyaên PKKê hate encamdan.
Berî niha jî Îhsan Çelebî behsa wê yekê jî kirîbû ku bombebarana firokeyên Tirkiyê tirs xistiye dilê şêniyên gundên sînor, ji ber ku gelek caran sînorê Sîdekan tê bombebarankirin.
Çelebî dibêje ku ji Kanûna 2017an ve ti binke û baregehên PKKê yên li sînorê Sîdekan nemane, tenê weke mefreze têne vê deverê.