Merkezê Xeberan - Tirkîya û Bakûrê Kurdistanî de mîyanê 18 rojan de 16 cinî hetê camêrdan ra amê qetl kerdene.
Tirkîya de her aşme seyan cinî yene kiştene. La çi heyf ke camêrdê ke cinîyan kişenê zafê înan teber de serbest gerenê. Bi taybetî prosesê janê vîrûsê Korona (Covît-19) de cinîyan ser o şîdet zede bîyo.
Gorê malûmatê Platformê Ma Do Kiyayîşê Cinîyan Bivindarnê, mîyanê 3 aşmanê peyênan de se ra 70 cinî hetê camêrdan ra amê kiştene.
Gorê beyanatê Platformî, mîyanê 18 rojanê peyênan de 16 cinî amê kiştene.
Wezîrê Karanê Zereyî Suleyman Soyluyî 26'ê Gulane vatbi "Cinîyan rê şîdet kêm bîyo "