Wezaretîya Weşîye ya Tirkîya aşkere kerd ke, mîyanê 24 saetanê peyênan de 947 kesî bi Korona kewtê û 17 kesî zî Korona ra merdê.
Wezîrê Weşîye yê Tirkîya Fahrettîn Kocayî hesabê xo yê medyaya sosyale ser ra beyanat da û va ke, 42 hezar û 320 testî ameyî kerdene û 947 nêweşê neweyî ameyî tespîtkerdene û 17 kesî zî rîyê Korona ra merdî. Heto bîn ra 1.013 nêweşî zî baş bîyê.
Gorê beyanatê Wezaretîya Tirkîya heta nika 215 hezar û 940 kesî nêweşîya Korona kewtê û 197 hezar û 733 nêweşî zî baş bîyê. 5.419 nêweşî zî rîyê janî ra merde.