Verfekê Wezîrê Karanê Teberî yê Tirkîya Hamî Aksoyî derheqê herêma asayîşina ke do Sûrîyed ebêra ronayîş de qisey kerd û va: Eger ma Amerîka dir pê nêke, ma bi tena serê xo herêma asayişine awan bike.
Verfekê Wezîrê Karanê Teberî yê Tirkîya Hamî Aksoy vano: Eger ma Amerîka dir semedê herêma asayîşine pê nêke, ma bi tena serê xo herêma asayişine awan bike.
Verfekê Wezîrê Karanê Teberî yê Tirkîya Hamî Aksoyî da zanayîş ke, ê do 3ê Tebaxe de heyetêka eskerî ya Amerîka de pêvînayîş bike.
Temsîlkarê Amerîka James Jeffreyî derheqê herêma asayîşine a ke do Sûrîye de bêra ronayîş de qisê kerbi û vatbi: Kurdî Sûrîye de ortaxê ma yê. DAIŞ dir mucadele de ortaxa ma Hêzê Sûrîya Demokratîke (HSD) ya. Ma nêwazenê wa HSD zerar bivîno û ma qebûl nêkenê ke wa ti kes înan rê hêriş biko.
James Jeffreyî aşkera kerd ke, Serek Trumpî bi hawayêko zelal vato ke, ê sozê xo ser o vindenê û gere ti kes hêrişê ortaxanê înan nêkero.
Jeffreyî da zanayîş ke înan û Tirkîya Sûrîye de meseleya herêma asayişine ser o pê nêkerdo û mabênê înan û Tirkîya de diyalog dewam keno.